Şou-biznes

"Qayıtmaq mümkün olmayacaq" - Həbs olunan aktrisa

29 İyun 2022 20:15
0 Şərh     Baxış: 2 039
VTB-də minimal faiz dərəcəsi ilə nağd kredit 9.9%-dən
#MƏŞHURLAR

"Harper's Bazaar"in növbəti sayında amerikalı aktrisa Vaynona Rayderin müsahibəsi və fotosessiyası dərc olunub.

Milli.Az axsam.az-a istinadən xəbər verir ki, aktrisa karyerasına fasilə verdiyi vaxtı xatırlayıb. Bu məqamda qeyd edək ki, Rayder 2001-ci ildə Beverli Hillsdəki mağazalardan birindən oğurluq etdiyinə görə həbs olunub.

"Geri çəkildim. San-Fransiskoda idim. Yeni təkliflər almadım. Düşünürəm ki, bu, qarşılıqlı ayrılıq idi. Çətin vaxtlar idi. Hollivudda çox alçaqlıqlar vardı. Los-Ancelesə qayıtdığımı xatırlayıram... Çətin idi. Həyatımın bu hissəsinin bitdiyini bilmirdim" deyə, müsahibədə qeyd edilib.

Aktrisa bildirib ki, Hollivudun özünəməxsus, bəzən çox sərt qanunları var:

"Bu sənət çətindir. Davamlı işləyirsən, amma fasilə vermək istəsən, sənə deyirlər: "Əgər yavaşladınsa, hər şey dayanacaq". Sonra hər şey yavaşlayır və eşidirsən: "Qayıtmaq mümkün olmayacaq". Daha sonra bu, "Artıq səni heç soruşmurlar" kimi dəyişir. Bu qəddarlıqdır".

Rayder 1993-cü ildə aktyor Conni Deppdən ayrılmasını və həmin vaxtlarda Hollivudda qarşılaşdığı qəddarlıqların həyatını insanların düşündüyündən qat-qat qaranlığa çevirdiyini vurğulayıb. O, 1999-cu ildə həmkarı Ancelina Coli ilə birlikdə oynadığı psixi sağlamlıq mərkəzində olan gənc qadın haqqında filmə istinad edərək deyib:

"Yadımdadır, Çili həbsxanasında işgəncəyə məruz qalan qəhrəmanı canlandırdım (red. - söhbət 1994-cü ildə "Ruhlar evi" dramından gedir). Çəkiliş meydançasında üzümdəki saxta qançırlara və kəsiklərə baxdım və öz-özümə dedim: "Daxilimdə özümə belə edirəm". Çünki özümə diqqət yetirmirdim".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.