Şou-biznes

Valeri Meladze qalmaqallardan sonra karyerasına son qoyur

21 May 2022 10:00
0 Şərh     Baxış: 980
VTB-də minimal faiz dərəcəsi ilə nağd kredit 9.9%-dən
#ŞOU-BİZNES

Son zamanlar sənətçinin adı səs-küylü qalmaqallarda hallanır. Təəccüblü deyil ki, Valeri Şotayeviç ətrafındakı söz-söhbətdən bezib və ciddi şəkildə fəaliyyətini dəyişdirmək barədə düşünür.

Milli.Az oxu.az-a istinadən xəbər verir ki, müğənni böyük səhnədən getmək niyyətini şəxsi bloqunda açıqlayıb və bu halda gəlirsiz qalmayacağını da qeyd edib.

"Boş vaxtlarımda düşünmək məni keçmiş peşəmə qayıtmaq fikrinə gətirib çıxardı. İnstitutdan sonra aspiranturanı bitirdim və dərin suların təmizlənməsi sahəsində elmlə məşğul oldum. Bu yaxınlarda namizədlik dissertasiyamı vərəqlədikdən və bu sahədə müasir nailiyyətləri öyrəndikdən sonra dəniz suyundan dövri sistemin müxtəlif elementlərinin çıxarılması üçün qurğu hazırladım.

Bu, çox perspektivli istiqamətdir. Yeni məqsəd məni ruhlandırır, yaradıcılıq həyəcanı yaradır. Musiqi mənim sevimli işim olaraq qalır, baxmayaraq ki, şou-biznesə bütün marağımı itirmişəm. Mənim üçün mahnı formatları, radiostansiyalardakı rotasiyaların sayı, telekanallarda çəkilişlərdə iştirak artıq əhəmiyyət kəsb etmir. Dəqiq bilirəm ki, mahnılarım çoxdan yaşayır və dinləyicilərimin sayəsində hələ uzun müddət yaşayacaq", - deyə 56 yaşlı ifaçı planlarını bölüşüb.

Xatırladaq ki, Valeri Meladze Ukraynada keçirilən müharibə əməliyyatını pislədiyi zaman böyük qalmaqalla üzləşmişdi. Sonra müğənninin planlaşdırılan çıxışlarının ləğv edildiyi barədə şayiələr yayıldı, lakin sonra o, Şimal paytaxtında fərdi konsert verdi. Və bu yaxınlarda sənətçinin Fransaya köçdüyünə dair məlumatlar da ortaya çıxıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.