Rusiya

Kadırov Aydanla Zülfüqarı təltif edəcək

27 Fevral 2025 20:34

Baxış: 2 225

VTB-də minimal faiz dərəcəsi ilə nağd kredit 9.9%-dən

#ÇEÇENİSTAN #KADIROV #AZAL-IN TƏYYARƏ QƏZASI

Çeçenistan rəhbəri Ramzan Kadırov 2024-cü ilin dekabrında qəzaya uğrayan AZAL-a məxsus "Embraer E190" sərnişin təyyarəsinin ekipaj üzvlərini "Çeçenistan Respublikası qarşısında xidmətlərinə görə" medalları ilə təltif edəcək.

Milli.Az xəbər verir ki, bu barədə R.Kadırov özünün "Telegram" hesabında yazıb.

Belə ki, bələdçilər Aydan Rəhimli və Zülfüqar Əsədov respublikanın ali mükafatlarına layiq görülüblər.

Kadırovun sözlərinə görə, onlar yüksək peşəkarlıq və müstəsna cəsarət nümayiş etdiriblər.

O bildirib ki, onlar qətiyyətli və cəld hərəkət edərək təyyarədəki bütün sərnişinlərə kömək etməyə çalışırdılar:

"Onların fədakar hərəkətləri hörmətə layiqdir. Qroznıda təyyarə qəzasında həlak olanların xatirəsinə xatirə lövhəsi qoyulacaq".

Xatırladaq ki, 25 dekabr 2024-ci il tarixində Azərbaycan Respublikasının Bakı şəhərindən Rusiya Federasiyasının Qroznı şəhərinə J2-8243 reysi üzrə müntəzəm uçuş həyata keçirən "Azərbaycan Hava Yolları" QSC-yə ("AZAL") məxsus və dövlət reyestrində 4K-AZ65 nömrəsi ilə qeydiyyata alınmış Embraer 190-100 IGW tipli sərnişin hava gəmisi Qazaxıstan Respublikası ərazisində Aktau hava limanı yaxınlığında qəzaya uğrayıb. Qəza nəticəsində iki uçuş heyəti üzvü (kapitan və ikinci pilot), böyük təyyarə bələdçisi və 35 sərnişin həlak olub.

İnsan tələfatı və xəsarət alanlar olmasına baxmayaraq, pilotların, bələdçilərin yüksək peşəkarlığı, şücaəti və cəsurluğu sayəsində təyyarə qəza enişi həyata keçirib və 29 nəfərin həyatını xilas etmək mümkün olub. Qazaxıstan Respublikasında gözlənilən qəza enişi barədə məlumat daxil olduqdan dərhal sonra zəruri qəza-xilasetmə tədbirləri həyata keçirilmiş, sağ qalanlar təxliyə edilərək tibbi yardım göstərilib.

Milli.Az

Milli.Az - Xəbər Portalı

Kadırov Aydanla Zülfüqarı təltif edəcək

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?