Kamçatkada helikopter qəzasında ölənlərin hamısının meyiti tapıldı - YENİLƏNİB

10:30

Rusiyanın Kamçatka diyarında qəzaya uğrayan "Mi-8" helikopterində həlak olanların hamısının meyiti tapılıb.

Milli.Az report-a istinadən xəbər verir ki, bu barədə Kamçatka diyarının fövqəladə hallar naziri Sergey Lebedev "VKontakte" sosial şəbəkəsindəki hesabında paylaşım edib.

"Ölənlərin meyitləri aşkar edilərək məhkəmə-tibbi ekspertiza orqanlarına təhvil verilib. Axtarış-xilasetmə əməliyyatı başa çatıb", - paylaşımda qeyd edilib.

--------------
2024.09.01

Kamçatkada helikopterin qəzaya uğradığı yerdə 17 nəfərin meyiti tapılıb.

Milli.Az APA-ya istinadən bildirir ki, bu barədə Rusiya Fövqəladə Hallar Nazirliyi məlumat yayıb.

Qeyd edək ki, göyərtəsində 22 nəfər olan Mi-8 helikopteri avqustun 31-də Kamçatkada Vaçkajets vulkanı yaxınlığında radarlardan itib.

Məlumata görə, helikopterdə 3 ekipaj üzvü, 19 turist olub.

----------------
2024.08.31

Rusiyanın Kamçatka diyarında göyərtəsində 3 ekipaj üzvü olan "Mi-8" helikopteri yoxa çıxıb.

Milli.Az report-a istinadən xəbər verir ki, bu barədə əməliyyat xidmətləri məlumat yayıb.

"Mi-8" helikopteri Vaçkajets vulkanı - Nikolayevka kəndi marşrutu ilə hərəkət edib və təyin olunmuş vaxtda təyinat yerinə enməyib, ekipaj ilə əlaqə qurmaq mümkün deyil.

Kamçatkada yoxa çıxan "Mi-8T" helikopterinin göyərtəsində 22 nəfər ola bilər.

Bu barədə "İnterfaks" Rusiya Federal Hava Nəqliyyatı Agentliyinin (Rosaviasiya) mətbuat xidmətinə istinadən məlumat yayıb.

"İlkin məlumata görə, helikopterin göyərtəsində 22 nəfər olub: 3 ekipaj üzvü və 19 sərnişin", - məlumatda deyilir.

Qurumun məlumatına görə, helikopter Vaçkajets vulkanı ərazisindəki ərazidən Nikolayevkaya (Yelizovo hava limanından 17 km cənub-qərbdə yerləşir) uçurdu, lakin təyin olunmuş vaxtda (Moskva vaxtı ilə təxminən saat 07:15) helikopter ekipajı əlaqəyə çıxmayıb.

"Axtarışlar üçün digər "Mi-8" helikopteri havaya qaldırılıb", - Rosaviasiyadan əlavə edilib.

İnsidenti ilə əlaqədar Kamçatka Nəqliyyat Prokurorluğu uçuşların təhlükəsizliyi sahəsində qanunvericiliyə əməl olunub-olunmaması ilə bağlı yoxlama aparır.

Milli.Az
Xəbərlərimizi WhatsApp kanalımızdan da oxuyun