Siyasət

Baş Prokurorluq Gəncə terroru ilə bağlı məlumat yaydı

11 Oktyabr 2021 14:31
1 Şərh     Baxış: 896

Baş Prokurorluq Vətən müharibəsi zamanı Ermənistan silahlı qüvvələrinin Azərbaycanın ikinci böyük şəhəri olan Gəncəni raket atəşinə tutmasının ildönümü ilə bağlı məlumat yayıb.

Milli.Az-ın Baş Prokurorluğun saytına istinadən verdiyi xəbərə görə, məlumatda bildirilir ki, 4, 5, 8, 11 və 17 oktyabr tarixlərində Gəncə şəhərinin raket atəşinə tutulması nəticəsində 26 mülki şəxs həlak olub, 175 nəfər isə xəsarət alıb.

"Ermənistan silahlı qüvvələri tərəfindən sülh və insanlıq əleyhinə cinayətlər törədilməklə mülki əhalinin sıx yaşadığı Azərbaycanın ikinci böyük şəhəri olan qədim Gəncə raket atəşinə tutulub. Təqsirkar şəxslərin beynəlxalq müstəvidə məsuliyyətə cəlb edilməsindən ötrü lazımi tədbirlərin görülməsi davam etdirilir. Gəncə şəhərinin ağır artilleriyadan atəşə tutulması nəticəsində həlak olmuş soydaşlarımızı hörmətlə anırıq", - deyə məlumatda qeyd olunur.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.