Siyasət

Türkiyəli məşhur ekspertdən Şuşayla bağlı təsirli paylaşım - VİDEO

15 İyun 2021 14:06
Baxış: 1 064

Türk dünyasının səbirsizliklə gözlədiyi səfər başlayıb. İyunun 15-də Türkiyə Prezidenti Rəcəb Tayyib Ərdoğan Şuşa şəhərinə yola düşüb. Onu və xanımı Əminə Ərdoğanı Prezidenti İlham Əliyev Füzuli rayonunda qarşılayıb. Dövlət başçıları buradan da Şuşaya istiqamət alacaqlar. 

Elə bu dəqiqələrdə türkiyəli hərbi və təhlükəsizlik üzrə məşhur ekspert Abdullah Ağarın sosial şəbəkə hesabında etdiyi paylaşım diqqətdən yayınmadı. Şuşadan real döyüş kadrlarından bir video görünütünü "Twitter"də paylaşan Abdullah Ağar bu sözləri yazıb:

"Onlar 76 döyüşçüdən təşkil olunan bir xüsusi təyantlı qüvvələr taboru idilər. Şuşanı azad edənə qədər düz 26 şəhid vermişdilər. 44-ü də qazi olmuşdu. Sadəcə 6-sı sağlam qaldı. 26 şəhidin ismi yazılan şanlı Azərbaycan bayrağını "Artsax"ın təpəsinə belə sancdılar. Sonra da azan sədası ucaltdılar.

Azanı oxuyan gizir Yaşar da yaralıydı. O da digərləri kimi buraya qədər yaralı-yaralı savaşaraq gəlib çıxmışdı. Fərqi yoxdur, Azərbaycanın digər şanlı taborları da belə idi.

Əziz ŞUŞA, Sən onların NAMUSUYDUN, ŞƏRƏFLƏRİ oldun, bir də ŞƏHADƏT yerləri!

İki dövlət, bir millət... Türkiyə və Azərbaycan Dövlət Televiziya ekranları Qafqazın möhtəşəm zirvəsində - Şuşada".

Təhməz Əsədov
Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.