Siyasət

Minsk qrupunun Cenevrə görüşü mətbuata qapalı keçiriləcək

30 Oktyabr 2020 14:24
Baxış: 769

ATƏT Minsk qrupunun həmsədrləri (ABŞ, Rusiya və Fransa) İsveçrənin Cenevrə şəhərində Azərbaycan və Ermənistan XİN rəhbərləri ilə görüş ərəfəsində Dağlıq Qarabağ münaqişəsinin tənzimlənməsi ilə bağlı fikir mübadiləsi aparıb.

Milli.Az Trend-ə istinadən bildirir ki, nazirlərlə görüş mətbuat üçün qapalı rejimdə keçiriləcək.

Həmsədrlər arasında fikir mübadiləsi də qapalı keçirilib. Görüşlərin yekununda bəyanatın verilib-verilməyəcəyi barədə məlumat verilməyib.

Qeyd edək ki, Cenevrədə görüş oktyabrın 29-a təyin olunsa da, daha sonra bir gün təxirə salınıb.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.