Siyasət

Gürcüstan parlamentinin keçmiş deputatı Cavaxetiyadan Ermənistana aparılan yardımları pislədi

29 Sentyabr 2020 17:03
Baxış: 985

Humanitar yardımla dolu olan yük maşınları Ermənistan-Gürcüstan sərhədindən keçib. Ərzaq məhsulları olan 2 maşın Ninotsminda-Bavra nəzarət-buraxılış məntəqəsinin ərazisi ilə yola salınıb.

Milli.Az Trend-ə istinadən xəbər verir ki, bu barədə Gürcüstan parlamentinin keçmiş deputatı, "Qeyrət" qeyri-hökumət təşkilatının təsisçisi Zümrüd Qurbanlı öz "Facebook" hesabında qeyd edib. O baş verənləri ciddi təndiq edib:

"Gürcüstanın güc orqanları ilə uzun sürən danışıqların nəticəsində əldə olunan razılaşmaya görə, ərzaq məhsulu olan maşınlar Ermənistan-Gürcüstan sərhədini maneəsiz şəkildə keçəcəklər. Maşın şinləri ilə dolu yük avtomobilləri isə xüsusi razılıq aldıqdan sonra Gürcüstan sərhəddini keçə biləcək. Xatırladaq ki, son bir neçə saat ərzində Ermənistan-Gürcüstan sərhədində xaos hökm sürürdü. Hüquq-mühafizə orqanları Cavaxetiyada gənclərin təşəbbüsü ilə toplanan humanitar yardımların göndərilməsini sərhəddə dayandırmışdır. Sərhəddə 5 minə yaxın adam toplanmışdır. Çox qəribədir, Marneulidə bir kiçik loyal hadisəyə Gürcüstanın xüsusi təyinat qüvvələri cəlb edilir, saatlardır gömrüyü xaosa çevirən bu insanlara heç nə deyən yoxdur. İkincisi, ərzaq, humanitar yardım bir pərdədir, faktiki olaraq insanlar döyüşə çağırış edir və özləri də döyüşə gedir, bu da Gürcüstan qanunvericiliyi ilə qadağandır. Görünür, qanunlar bəzi hallarda bilərəkdən pozulur", - deyə Zümrüd Qurbanlı qeyd edib.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.