Siyasət

Azərbaycan SSR-in xalq artisti Jasmen Qriqoryan: "Azərbaycan xalqının nökəriyəm" - VİDEO - FOTO

10 Mart 2017 11:07
2 Şərh     Baxış: 3 842

İnternetdə 30-cu illərdə Azərbaycan SSR Ali Sovetinin deputatı olmuş Jasmen Qriqoryanın çıxışı əks olunmuş kinoxronika yayılıb.

Milli.Az strateq.az-a istinadən xəbər verir ki, 1938-ci ildə təbliğat-təşviqat məqsədi ilə çəkilmiş bu lentdə Azərbaycanın xalq artisti olmuş Jasmen Qriqoryan deputat məsuliyyəti ilə bağlı çıxış edir. O, Stalin Konstitusiyasını tərifləyir.

Bununla yanaşı, çıxışda maraqlı məqamlar da var. "Mən Azərbaycan SSR-in xalq deputatı adını daşımağımla fəxr edirəm və bunu böyük şərəf sayıram. Xalqın etimadını doğrultmağa çalışıram", - Jasmen çıxışında qeyd edir.

Qriqoryan deputatları "xalqın xidmətçisi" adlandırır: "Ən böyük xoşbəxtlik mənim üçün odur ki, mən xalqın nökəriyəm. Öz fəaliyyətimdə mən böyük Stalinin bu göstərişini heç vaxt unutmuram".

Jasmen Qriqoryan dörd çağırış Azərbaycan SSR Ali Sovetinin deputatı seçilib. 1894-cü ildə Tiflisdə anadan olan Jasmen 1920-48-ci illərdə Bakıda fəaliyyət göstərən erməni teatrında işləyib. 1949-cu ildə teatr bağlandıqdan sonra o, Ermənistan hökumətinin dəvəti ilə Yerevana köçüb. Burada Sundukyan adına Yerevan dram teatrında çalışıb.

Jasmen Qriqoryan 1978-ci ildə vəfat edib. 

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Şərh yaz:

2 Şərh:

  • Anonim
    Emi · 10 Mart 2017 11:2510

    Basligi oxuyarken ele bildim Jasmen Qriqoryan bu sozleri indi deyib,cesaretine mat qaldim.Sen deme sohbet sovet doneminden gedir.O dovr ucun bu tip pafoslu cixislar xarakterik idi.Ikincisi de SSRI-nin movcudlugu dovrunde millet anlayisi yasaq oldugu ucun cetin ki,"xalqin nokeriyem" deyerken Azerbaycan xalqini nezerde tutsun.

    Cavab yaz
  • Anonim
    anonim · 10 Mart 2017 12:0300

    Ömrü boyu da bədbəxtçiliyimiz elə buna görədir: öz millətindən olan namuslu övladları bəyənməyərək, başqa millətin nümayəndələrini boynumuza otuzdurmuşuq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.