Siyasət

Amerika riyakarlığı: iki açıqlama, Dövlət Departamentinin iki üzü - FOTO

9 Fevral 2024 09:10

Baxış: 1 886

#SİYASƏT #ABŞ

Hər ikisi fevralın 8-də dərc olunmuş amerikalıların iki press-relizinə baxın. ABŞ-ın Bakıdakı səfirliyi Azərbaycandan kiminsə "tövsiyyələrinə əməl etməyi" tələb edir, ABŞ-ın İrəvandakı səfirliyi Qaqik Ginosyanı şərəfləndirir, onun "erməni rəqslərini qorumaq səylərini" xatırladır.

ABŞ səfirliyi açıqlama yaydı. Bildirdi ki: "Birləşmiş Ştatlar fevralın 7-də keçirilmiş prezident seçkilərinin həqiqi rəqabətin olmadığı məhdud mühitdə baş verməsi ilə bağlı ATƏT-in DTİHB monitorinq missiyasının müşahidələrini və narahatlıqlarını bölüşür.

Azərbaycan öz konstitusiyasında və beynəlxalq öhdəliklərində fundamental azadlıqların və demokratik proseslərin dəstəklənməsinə sadiqliyini ifadə edib. Biz Azərbaycanı bu öhdəlikləri və ATƏT-in DTİHB-nin əvvəlki və gələcək tövsiyələrini yerinə yetirməyə çağırırıq".

Əgər bilmirsinizsə, bu Ginosyan Laçının, Kəlbəcərin və digər rayonlarımızın işğalında iştirak etmiş hərbi cinayətkardır. O, dinc əhalinin vəhşicəsinə qətlə yetirilməsində, kişilərin, qadınların və uşaqlarıın doğma evlərindən qovulmasında fəal iştirak edib.

ABŞ Dövlət Departamenti isə öz diplomatlarının əlləri ilə bu pisliyi şərəfləndirir. Bəs Azərbaycanda seçkilər necə olacaq? Yox, nə danışırsan! Burada "dəyərli göstərişlər" verməliyik.

Bu ikiüzlülələrə, riyakarlara bir sual vermək istəyirəm.

Maraqlıdır, hadisələr tam əksinə baş versəydi, nə olardı?: ABŞ-ın Bakıdakı və İrəvandakı səfirlikləri necə reaksiya verərdi?

Bu formada, tam əks, zidd, antoqonist şəkildə?

İnanmıram...

Elçin Alıoğlu
Milli.Az