Siyasət

Astanada TDT-nin yubiley sammiti başlayır - FOTO

3 Noyabr 2023 08:14

Baxış: 756

Bu gün Qazaxıstanın paytaxtı Astanada Türk Dövlətləri Təşkilatının (TDT) 10-cu yubiley sammiti başlayır.

Milli.Az Trend-ə istinadən bildirir ki, sammit çərçivəsində fövqəladə hallar və metrologiya sahəsində çoxtərəfli sənədlərin imzalanması gözlənilir. Bundan əlavə, TDT-nin nəqliyyat proqramının həyata keçirilməsi üzrə birgə fəaliyyət planı, həmçinin Astana Aktı və Astana Sammitinin Bəyannaməsi imzalanacaq.

Zirvə toplantısının sonunda TDT-yə sədrlik Özbəkistandan Qazaxıstana keçəcək.

Qeyd edək ki, 2023-cü ildə Özbəkistan TDT-yə sədrlik edir. Sədrliyin başlanğıcı ötən ilin noyabrında "Türk sivilizasiyasının yeni dövrü: ortaq inkişaf və tərəqqiyə doğru" çağırışı altında keçirilən TDT sammiti olub.

Milli.Az