Siyasət

Heydər Əliyev görkəmli şəxsiyyət idi - Latviyanın sabiq prezidenti

1 Aprel 2023 14:58

Baxış: 1 132

#HEYDƏR ƏLİYEV - 100

Heydər Əliyev görkəmli şəxsiyyət idi və daima müasirlərinin yüksək dəyər verdiyi lider təəssüratı doğurub.

Bu barədə şənbə günü Trend-ə Latviyanın sabiq prezidenti, Beynəlxalq Nizami Gəncəvi Mərkəzinin (NGBM) həmsədri Vayra Vike-Freyberqa Trend BİA və NGBM-in birgə layihəsi olan "Heydər Əliyev İrsi" adlı layihəsi çərçivəsində deyib.

Vayra Vike-Freyberqa 1999-cu ildə Yalta səfəri zamanı Azərbaycanın ovaxtkı prezidenti Heydər Əliyevlə görüşünü xatırlayaraq onun üçün bu hadisənin nə qədər xüsusi olduğunu qeyd edib.

"Mən ondan Qafqazdakı vəziyyət, xüsusi şərait, region ölkələrinin öz müstəqilliklərini qəti şəkildə təsdiqləmək üçün keçməli olduğu çətinliklərlə bağlı çox şey öyrəndim. O, həmçinin, keçid prosesini hələ sovet dövründən yüksək vəzifələrdə çalışmış və həmin vaxtlarda avtokratiyadan demokratiyaya keçidin ardınca gətirəcəyi hiylələri və demokratiyaya nail olmağın necə çətin olduğunu yüksək səviyyədə anlaya bilən bir dövlət xadiminin nöqteyi-nəzərindən izah edirdi",- o deyib.

Milli.Az