Maraqlı

Qanda dəmir çatışmazlığı nəylə təzahür edə bilər və nə etməli?

20 İyul 2021 21:15
0 Şərh     Baxış: 538

Qanda dəmir çatışmazlığı özünü yuxululuq, pis əhval-ruhiyyə, halsızlıq və başgicəllənmə ilə göstərə bilər. Eyni zamanda, hemoqlobin çatışmazlığı immuniteti azaldaraq, zəifliyə, iş qabiliyyətinin aşağı düşməsinə səbəb ola bilər. Qanda dəmiri bərpa etmək məsələsində əsas vasitə kimi ət qeyd edilir.

Milli.Az deyerler.org-a istinadən bildirir ki, heyvan mənşəli zülallar qan hüceyrələrinin bərpa edilməsinə kömək edir. Qanda normal hemoqlobin səviyyəsini qorumaq üçün 50 qram ət (mal əti, dana, qaraciyər, dil) kifayətdir və onu artırmaq üçün gündə ən az 100 qram yemək lazımdır. Yüksək miqdarda dəmir quş ətində və dəniz məhsullarında olur. Nar, göyərti, dənli bitkilər, göbələk, kakao, küncüt çoxlu miqdarda dəmir ehtiva edir. Dəmirin orqanizm tərəfindən yaxşı sovrulması üçün C vitamini və turş şirələr müsbət rol oynayır, çay və qəhvə isə əksinə, buna mane olur. Hemoqlobin səviyyəsinin yüksəldən başqa faydalı vasitə kök şirəsidir. Gündə 300-400 ml kök şirəsi içmək faydalı ola bilər. Kök suyunu bərabər nisbətdə çuğundur suyu və bal ilə qarışdıraraq, gündə üç dəfə bir neçə qurtum içmək olar.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.