Maraqlı

Pakistanda sosial şəbəkələr bağlanıb

22 Aprel 2021 21:10
Baxış: 614
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Pakistan hökuməti ölkədəki təhlükəsizlik məqsədi ilə sosial şəbəkələrinin fəaliyyətini müvəqqəti olaraq dayandırıb.

Milli.Az ted.az-a istinadən bildirir ki, Daxili İşlər Nazirliyi saat 11:00-dan gündüz saat 3:00-dək tvitter, feysbuk, vatsap, yutub və teleqram kimi sosial media platformlarının fəaliyyətini dayandırmaq barədə Telekommunikasiya İdarəsinə (PTA) göstəriş verib. Bununla bağlı PTA-nın açıqlamasında göstərilir: "İctimai asayiş və təhlükəsizliyini təmin etmək məqsədilə bir sıra sosial media tətbiqlərinə giriş müvəqqəti olaraq məhdudlaşdırılır".

Bu addım ölkədə ötən gün əks-terrorçuluq qanunu ilə qadağan edilmiş "Təhriki Ləbbeyk Pakistan" (Tehreek-i-Labbaik Pakistan - TLP) adlı təşkilatın üzvləri tərəfindən son günlər törədilən iğtişaşlarla bağlı atılıb. TLP-nin həbs edilmiş rəhbəri Səəd Rizvi hökumət nümayəndələri vasitəsilə yaydığı məktubunda tərəfdarlarını qanunlara əməl etməyə, yolları bağlamamağa, hüquq mühafizə qurumları ilə əməkdaşlığa çağırıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.