Maraqlı

Uşaqlarda vegetativ-damar distoniyası xəstəliyi

6 Mart 2021 23:50

Baxış: 1 195

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Bu da uşaqlar arasında geniş yayılmış ürək-damar xəstəliklərindən biridir. Xəstəlik o qədər müxtəlif formalarda özünü büruzə verir ki, çox vaxt həkimlər də düzgün diaqnoz qoymaqda çətinlik çəkirlər.

Vegetativ-damar distoniyası zamanı ən tez-tez rast gəlinən simptomu nəqliyyatda gediş zamanı, hava dəyişməsində, yorulma və s. zamanı baş verən baş ağrılarıdır. Belə uşaqlarda ürəkgetmə də ola bilər. Bu zaman əvvəl uşağın gözləri qaralır, qulaqlarında küy, başgicəllənmə əmələ gəlir, sonra uşaq huşunu itirərək yıxılır. Bir neçə dəqiqədən sonra uşağın huşu bərpa olunur, lakin halsızlıq, yuxululuq davam edir. Belə uşaqlar mütləq nevropatoloq və kardioloq tərəfindən müayinə olunmalıdırlar.

Vegetativ-damar distoniyasında arterial təzyiqin həm qalxması, həm də enməsi müşahidə olunur. Arterial təzyiqi yuxarı və ya aşağı olan uşaqları da həkim kardioloqa göstərmək lazımdır. Arterial təzyigin yuxarı normaları (bu rəgəmlərdən yuxarı olmamalıdır) 7-9 yaşlarda 125/75 mm c.st, 10-13 yaşlarda 130/80 mm c.st, 14-17 yaşlarda 135/85 mm c.st hesab olunur. Böyüklərdə yuxarı norma 130/80 mm c.st hesab edilir.

Bəzi hallarda vegetativ-damar distoniyası olan uşaqlar ürək ağrılarından, ürək ritminin pozğunluğundan da şikayət edirlər.

Xəstəlik müxtəlif formalarda təzahür etdiyi üçün, onun müalicəsi də hər bir xəstə uşaq üçün fərdi qaydada aparılmalıdır. Belə uşaqlara gün ərzində düzgün rejim müəyyən edilməli, onların yuxusuna kifayət qədər vaxt ayırmalı, istirahət, təmiz havada gəzinti, bədən tərbiyəsi, üzgüçülük ilə məşğul olmalarına (idman yox!), su proseduraları, vannalar, duşlar qəbul edə bilmələrinə diqqət yetirmək lazımdır.

Milli.Az

Milli.Az - Xəbər Portalı

Uşaqlarda vegetativ-damar distoniyası xəstəliyi

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?