Maraqlı

Volkswagen markasının elektrik flaqmanı "təəccüblü dərəcəsə ucuz" olacaq - FOTO

20 Fevral 2021 23:01

Baxış: 867

VTB-də minimal faiz dərəcəsi ilə nağd kredit 10.49%-dən

#FOTOSESSİYA #AVTO

Volkswagen markasının rəhbəri Ralf Brandştetter, qabaqcıl texnologiyalar ilə təchiz edilən Project Trinity elektromobilinin təəccüb doğuran qiyməti ilə seçiləcəyini qeyd edib.

Milli.Az autograph.az-a istinadən bildirir ki, konsernin rəsmi sənədlərində Project Trinity adı ilə xatırladılan əsrarəngiz VW elektromobili alman markasının flaqmanı olacaqdır. Automotive News Europe nəşrinin bildirdiyinə görə, flaqman elektrokarı yeni arxitekturası, yaradılmasına təmamilə fərqli yanaşma və sinir şəbəkəsinə əsaslanan avtonom idarəetmə sistemi ilə yanaşı, həm də çox sərfəli qiyməti ilə seçiləcəkdir.

Volkswagen markasının rəhbəri Ralf Brandştetter jurnalistlərlə söhbətində yeni elektromobilin qabaqcıl texnologiyalara baxmayaraq "təəccüblü dərəcədə ucuz" olacağını qeyd edib.

Ralf Brandştetter "Üçlüyün" qiymətinin 35.000 avro olacağını bildirib. VW şirkətinin rəhbəri, Project Trinity layihəsi çərçivəsində yaradılan elektromobilin "dinamik və axıntılı", uzunluğunun isə dörd metrdən çox olacağını söyləyib.

Flaqman elektrokarının görünüşü hələ də gizli saxlanılır. Markanın elektrik flaqmanı 4-cü səviyyəyə yüksəlmə perspektivi olan 2+ səviyyəli avtonom idarəetmə sistemi ilə təchiz ediləcəkdir. "Üçlüyün" debütü bu ilin sonuna qədər baş tutmalıdır.

Milli.Az