Maraqlı

Google Chrome istifadəçi auditoriyasını itirməyə başlayıb

10 Yanvar 2021 23:40
Baxış: 1 390
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Populyar Chrome brauzeri qlobal masa üstü brauzer bazarında yavaş-yavaş öz yerini itirməyə başlayıb. "Global Stats" analitik şirkətinin statistikasına görə, son bir neçə ay ərzində Google-un beyin məhsulunun payı ilk dəfə 6 faizdən çox azalıb. Hazırda Google Chrome qlobal şəbəkəyə qoşulmuş fərdi kompüterlərin 64,1%-də istifadə olunur. Müqayisə üçün qeyd edək ki, 2020-ci ilin oktyabrında bu rəqəm 70,3% idi.

Milli.Az ted.az-a istinadən bildirir ki, reytinqdə auditoriya sayına görə ikinci yeri Safari tutur.

Safarinin bazar payı 11,7% olub, keçən ilin oktyabr ayı ilə müqayisədə 2,8% artım müşahidə olunur.

Firefox 8,5% bazar payı ilə üçüncü yerdədir.

Chromium layihəsinin mənbə koduna əsaslanan yeni Microsoft Edge bir il ərzində PC istifadəçilərinin 8,1%-ni sıfırdan cəlb etməyi bacaran yaxşı bir dinamikanı göstərib. Təbii ki, proqram nəhənginin səyi olmadan.

Smartfon və planşet istifadəçilərinin təsir etdiyi mobil məkanda Chrome 61% auditoriya ilə lider mövqeyə sahibdir. Ən populyar ikinci brauzer Safari-dir, 25,9%.

Üçüncü sırada Samsung Internet Browser 6,2% bazar payı ilə yer alıb. Qacet sahiblərinin təxminən 2,4%-i Çin UC brauzerini seçir.

Azərbaycanlı istifadəçilər arasında Chrome 77.69% bazar payına sahibdir. İkinci ən çox bazar payı olan brauzer Safari-dir, 10.48%. Üçüncü yerdə gələn Samsung Internet-in 5% bazar payı var. Digər brauzerlər arasında Opera 3.26%, Yandex Browser 1.32%, Edge isə 0.84% paya malikdir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.