Maraqlı

“iPhone 12” seriyalı smartfonlarda problemlər aşkarlanıb

19 Noyabr 2020 21:55

Baxış: 915

#TEXNOLOGİYA

"Apple" şirkətinin nümayəndələri aktual seriyalı smartfonların eşitmə aparatlarının işini poza bilməsini açıqlayıblar. Bu barədə "MacRumors" nəşrinin şirkətin materiallarına istinadən məlumatında deyilir.

Milli.Az ictnews.az-a istinadən bildirir ki, "Apple" saytının texniki dəstək bölməsində eşitmə aparatları ilə bağlı problemlərin təsvir olunduğu yeni sənəd dərc olunub. Şirkət mütəxəssisləri qeyd edib ki, bir sıra hallarda "iPhone 12" seriyalı qurğuların və zəif eşidənlər üçün aksesuarların istifadəçiləri səsdə problemlərlə üzləşə bilərlər. Məsələn, smartfona qoşulan qarniturlardan gurultulu və ya güclü kimi kənar səslər çıxa bilər.

"Apple" mühəndisləri bildirib ki, şirkət eşitmə aparatlarında problemlərin olduğunu etiraf edir və növbəti proqram yeniləməsində səhvləri aradan qaldıracaq. Yeniləməyədək mütəxəssislər tərəfindən smartfonların aktual "iOS 14.2" versiyasınadək yeniləmək tövsiyə edilir. Jurnalistlərin sözlərinə görə, onlarda köhnə "iPhone" modellərində oxşar problemlərin mövcudluğu ilə bağlı məlumat yoxdur. Nəşrin məlumatına görə, "iPhone" üçün əməliyyat sisteminin növbəti versiyası - "iOS 14.3" artıq tərtibatçılar üçün istifadəyə verilib.

Milli.Az