Maraqlı

Xəstəliyin əlamətləri və təsirləri qadınlarda daha uzun çəkir

24 Oktyabr 2020 23:20
Baxış: 776

Koronavirusa yoluxan qadınlarda simptomların daha uzun zaman çəkdiyi məlum olub.

Milli.Az e-tibb.az-a istinadən bildirir ki, London Kral Kollecində 4 milyondan çox vətəndaşın istifadə etdiyi "Covid Symptom Study" tətbiqindən faydalanaraq bir tədqiqat aparılıb.

Bu tədqiqat qadınların virusun təsirlərini kişilərdən daha uzun müddət hiss etdiklərini sübut edib. Qadınların yaşının 50-dən çox olması, artıq çəki və astma xəstəliyi Covid-19 təsirlərini uzun müddət hiss etmək baxımından risk amilləridir. Tətbiq məlumatları hər 10 nəfərdən birinin 1 ay sonra, hər 50 nəfərdən birinin isə 3 aydan sonra Covid-19 təsirindən əziyyət çəkdiyini göstərib.

Tədqiqat qrupundakı həkimlərdən biri Claire Steves deyib ki, ilkin məlumatlarda, kişilərin xəstəliyi daha ağır keçirdikləri, Covid-19-dan ölüm riskinin onlarda daha yüksək olduğu məlum olub. Onun sözlərinə görə, qadınların da uzun müddət Covid-19 riski altında olduqlarını demək olar.

O, Covid-19-un ilk həftəsində 5-dən çox simptomun mövcudluğunun, xəstəliyin uzanmasında əsas risk faktorlarından biri olduğunu qeyd edib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.