Maraqlı

Google təsadüfən Android 11-in stabil versiyasının çıxış tarixini sızdırıb

9 İyul 2020 21:35

Baxış: 1 580

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Android 11-in Developer Preview versiyasının təqdim olunması zamanı Google şirkəti qeyd etmişdi ki, o, yeni əməliyyat sistemini bu ilin üçüncü rübündə istifadəyə verməyi planlaşdırır. İndi isə Google səhvən Android 11-in stabil versiyasının çıxış tarixini açıqlayıb. Bu barədə XDA-Developers saytı xəbər verib. Şirkət Google Smart Home Summit tədbiri üçün nəzərdə tutulmuş xüsusi video hazırlayıb (video artıq silinib). Həmin videoda təqdim edilmiş slaydlardan birində tərtibatçıların 8 sentyabr tarixinə kimi yerinə yetirməli olduqları tapşırıqlar əks olunublar. Beləliklə məhz 8 sentyabr tarixində Android 11-in stabil versiyasının istifadəyə veriləcəyi gözlənilir. Qeyd etmək lazımdır ki, keçən ilki Android 10-nun stabil versiyası 3 sentyabr tarixində istifadəyə verilmişdi.

Milli.Az