Maraqlı

Texnologiya nəhəngləri ofislərini nə vaxt açacaq? - 2020-ci ili evdə tamamlayanlar olacaq

23 May 2020 22:15
0 Şərh     Baxış: 726

Apple, Google, Microsoft, Amazon və Feysbuk kimi bir sıra nəhəng texnologiya şirkətləri ofislərini nə zaman açacaqları barədə məlumat veriblər.

Milli.Az ted.az-a istinadən bildirir ki, Feysbuk ofislərini iyul ayında açacağını, amma əməkdaşlarının 2020-ci ili evdə tamamlayacaqlarını söyləyib.

Google rəsmiləri bildiriblər ki, iyun ayında müəyyən sayı keçməmək şərti ilə bəzi əməkdaşlar işə gəlsə də, digərləri il sonuna qədər evdən işləməli olacaqlar. Ofisdə davamiyyət öncə 10, daha sonra isə 20 və 30 faiz olacaq.

Tvitter şirkətlər arasında evdən işləməyi təbliğ etmək istəyən, bundan sonra da bu şərtlərlə çalışmağa üstünlük verdiyini söyləyən yeganə şirkət olub. Eyni zamanda fəaliyyəti zəruri olanların ehtiyac yaranarsa, sentyabrdan ofisə gələcəkləri bildirilib.

Amazon əməkdaşları oktyabra qədər məsafədən işləməyə davam edəcəklər.

Microsoft iyundan rəsmi iş qərarı alsa da, fikrini dəyişdirərək əməkdaşlarının oktyabracan ofisə gəlməyəcəklarini açıqlayıb.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.