Maraqlı

Qadında artıq çıxan 2 süd vəzisini kəsdilər - Nadir rast gəlinən hal

14 Fevral 2020 21:31

0 Şərh Baxış: 939

VTB-də minimal faiz dərəcəsi ilə nağd kredit 9.9%-dən

Dünyada 5-6% qadında rast gəlinən əlavə süd vəzi və ya vəziyə bənzər törəmələr süd vəzi rolunu oynamır və əlavə komplekslər yaradır.

Ona görə yeganə çıxış yolu əməliyyatdır.

Milli.Az medicina.az-a istinadən bildirir ki, 22 yaşlı ingilis qadın Fibi Ellis qolqutaltında tennis topu boyda kütlələri hələ 12 yaşı olarkən aşkarlayıb. Yəni normal süd vəziləri formaşalanda bu törəmələr də əmələ gəlib.

Bu şişkinliklər qız hər ay menstruasiya olan günlərdə ağrı verirdi.

Qız neçə dəfə həkimə müraciət etsə də, onda heç bir ciddi diaqnoz aşkarlanmayıb və xüsusi müayinə aparılmayıb.

Yaşı irəlilədikcə bu şişlərdən kompleksə düşən qız cərrahlardan onu götürmələrini istəsə də, həkimlər kosmetik əməliyyat olacağı üçün pulun sığorta tərəfindən ödənməyəcəyini bəhanə ediblər.

Getdikcə özünə qapılan, qısaqol geyinməyən, qarşı tərəflə görüşdən qaçan qız bədənini gizlətmək üçün yollar axtarırdı.

Valideynləri qızlarının əziyyət çəkdiyini görüb, kosmetik əməliyyat üçün pul toplayıb, qızlarına hədiyyə etdilər.

Amir Xan adlı plastik cərraha müraciət edən qızı müayinə edən həkim onda əlavə anadangəlmə artıq süd vəziləri olduğunu təsdiqlədi. Bu vəzilərin özünün ayrıca süd axacıqları belə var idi. Bəzən əlavə süd vəzilərinin giləsi də olur, amma bu xəstədə yox idi.

Şişlər böyük olduğu üçün əməliyyat yerində iri çapıqlar qalıb, amma qız bununla belə xoşbəxtdir.

Yalnız əməliyyatdan sonra sosial şəbəkə səhifələrində bu vaxta qədər gizlətdiyi qüsurunu paylaşıb, belə problemi olan digər qadınlara dəstək olan qızın kişi fanatları da çoxalıb.

Milli.Az