Maraqlı

Changan bestsellerini yeniləyib - FOTO

22 Avqust 2019 22:30

0 Şərh Baxış: 1 171

VTB-də minimal faiz dərəcəsi ilə nağd kredit 9.9%-dən

#FOTOSESSİYA #AVTO

Çinin Changan şirkəti CS55 modelinin yenilənmiş versiyasını təqdim edib. Markanın bestselleri sayılan krossover yenilənmiş eksteryer və interyerə sahib olub.

Restaylinq keçmiş krossover əvvəlkidən yeni radiator barmaqlığı, işıq texnikası, bamperləri və baqaj qapağı ilə fərqlənir. Avtomobil tamamilə yeni salona sahib olub. Yenilənmədən əvvəlki modeldən miras qalan isə, yalnız sükan çarxıdır. Krossover virtual cihazlar panelinə və 10,25-düymlük displeyi olan multimedia sisteminə də sahib olub.

Milli.Az autograph.az-a istinadən bildirir ki, Changan mühəndisləri avtomonilin salon tərtibatında istifadə edilən plastikin daha keyfiyyətli, oturacaqların daha rahat olduğunu iddia edirlər. Bütün bu dəyişikliklər krossoveri daha bahalı göstərməlidir.

Texniki cəhətdən krossover dəyişilməz qalıb: Changan CS55 əvvəlki kimi 156 at qüvvəsi və 255 Nm fırlanma anı hasil edən 1,5-litrlik turbomühərrik ilə təchiz edilir. Öndənçəkişli avtomobil altıpilləli mexaniki və ya avtomatik ötürmələr qutusu ilə təchiz edilir.

Çin bazarında yenilənmiş Changan CS55 modelinin satışlarına bu ilin payızında başlanacaqdır.

Milli.Az