Maraqlı

Dünyanın “ən allahsız” şəhərləri hansılardır?

17 İyun 2019 19:50
1 Şərh     Baxış: 2 278

Elm adamlarının fikrincə, ateistlər əsasən şəhərlərdə yaşayırlar.

Biopsixoloq Naycel Barber ateistlərin aqrar bölgələrdə deyil, əsasən şəhərlərdə yaşadığını deyir. Çünki şəhər iqtisadi baxımdan daha çox inkişaf edib və burada yaşayanlar dinə daha az ehtiyac duyurlar. Alim güman edir ki, 2038-ci ildə əksər ölkələrdə 50%-dən də az insan dinin vacib olduğuna inanacaq, qeyri-dindarların sayı kəskin artacaq.

Bəzi ölkələr artıq bu xətti keçiblər.

Milli.Az bilge.az-a istinadən bildirir ki, 2015-ci ildə "Gallup"un Çində keçirdiyi sorğudan sonra məlum olub ki, Çin dünyada ən az dindar əhalisi olan ölkədir, burada "ateist olduqlarını" deyənlərin sayı 61% olmaqla, rekord həddədir. Qeyri-dindar əhali siyahısında Çindən sonra 31%-lə Yaponiya, 30%-lə Çex Respublikası gəlir. Sorğulara əsasən Qərbi Avropa ən az dindar coğrafiyadır, burada əhalinin 51%-i ya dindar deyil, ya da birmənalı şəkildə ateistdir. Bu cür sorğularda xüsusilə Skandinaviya ölkələri seçilir, İsveç, Danimarka və Norveç ən böyük qeyri-dindar əhaliyə sahib ölkələrdir.

Şəhərlərdə vəziyyət necədir?

Berlin "Avropanın ateist paytaxtı" hesab edilir, belə ki, berlinlinlərin 60%-i özlərini hansısa dinə aid etmirlər.

Böyük Britaniyada Norviç şəhəri qeyri-dindarlığı ilə seçilir, burada əhalinin 41%-i özünü hansısa dinə aid etmir.

2016-cı ilə ABŞ-da keçirilən sorğular zamanı Portlend, Syetl və San-Fransiskonun Amerikanın ən qeyri-dindar şəhərləri olduğu məlum olub, burada əhalinin 37%-i hansısa dinə qulluq etmədiklərini deyiblər.

Bəs dünyadakı ən qeyri-dindar şəhər hansıdır? Araşdırmalar belə deməyə əsas verir ki, Çinin ən böyük şəhəri olan Şanxay dünyanın ən qeyri-dindar insan mərkəzidir. 24 milyon əhalisi olan şəhər sakinlərinin 86,9%-i özlərini hansısa dinlə əlaqələndirmədiklərini deyiblər. Bu, 21 milyon ateist deməkdir.

Milli.Az

loading...

Şərh yaz:

1 Şərh:

  • Anonim
    Mamlyuk · 17 İyun 22:1110

    Dinə heç mollaların, ayatulaların özləri də inanmırlar.Onlar ancaq psixi cəhətdən zəif olan bədbəxtlərin baçlarını doldurub onlardan din fanatı edirlər, çünki din onlar üçün gəlir mənbəyidir.Cənnət, cəhənnəm, cinayətkarlar, oğrular o dünyada cavab verəcəklər deyənlərin özləri oğrulardır. Əlinə hakimiyyət keçən adam bütün xalqı soyur, hətta başqasının uşağını ət yemək, müalicə olunmaq imkanından da məhrum etməkdən çəkinmir. Çünki o yaxşı bilir ki, o dünyada heç kim cavab tələb etmir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.