Maraqlı

507 nəfər "McDonald's" salatlarından mədə infeksiyasına yoluxub

25 Avqust 2018 08:10

0 Şərh Baxış: 1 699

VTB-də minimal faiz dərəcəsi ilə nağd kredit 9.9%-dən

#MCDONALD'S CORP

Amerika hökuməti ölkənin 15 ştatında və Nyu-York şəhərində "McDonald's" sürətli qidalanma şəbəkəsində salat yemiş sakinlər arasında 507 mədə infeksiyasına yoluxma hadisəsi aşkar edib.

Milli.Az "Report"a istinadən bildirir ki, bu barədə Qida Məhsulları və Dərman Preparatlarının Keyfiyyətinə Sanitar Nəzarət İdarəsinin (FDA) bəyanatında deyilir.

"İdarə ABŞ-da Xəstəliklərə Nəzarət və Onların Profilaktikası Mərkəzi, federal və yerli hakimiyyət orqanları ilə birgə bir neçə ştatda, çox güman ki, "McDonald's" restoranlarından alınan salatlarla əlaqədar olan "cyclospora cayetanensis" (siklospora) xəstəliyinin yayılmasını araşdırır. Ümumilikdə "McDonald's" salatlarından istifadə edənlər arasında laborator tədqiqi ilə təsdiqlənmiş 507 hal qeydə alınıb", - deyə İdarənin saytına yerləşdirilən məlumatda bildirilir.

Həmçinin qeyd olunub ki, xəstəlik nəticəsində 24 nəfər xəstəxanaya yerləşdirilib, bununla belə ölüm faktı qeydə alınmayıb.

Milli.Az