ABŞ-ın Aydaho ştatının Bleyn bölgəsində, San-Valli dağ-xizəkçilik kurortunda ənənəvi "Allen & Co" konfransı keçirilir.
Milli.Az Daily Mail-ə istinadən bildirir ki, dünyanın ən qapalı və nüfuzlu konfranslarından sayılan bu toplantıya mass-media, texnologiya şirkətləri, sosial şəbəkələr və İT korporasiyaların rəhbərləri, habelə siyasətçilər toplaşıblar.
Konfransın nə zaman başlayacağı barədə mediada heç bir açıqlama verilməyib. Həddən ziyadə ciddi qorunan konfransa qatılanlar arasında media maqnatı Rupert Merdok, Facebook-un banisi və rəhbəri Mark Zukerberq, "Apple" şirkətinin rəhbəri Tim Kuk, "General Motors"un baş direktoru Meri Barr, Facebook-un əməliyyat direktoru Şeril Sandberq, Nyu-Yorkdan olan senator Çak Şumer, "Amazon"un sahibi Ceff Bezos, "Imagine Entertainment"in banisi Brayan Qreyzer və başqaları var.
Milli.Az