Maraqlı

Mercedes-Benz yeni universalın sirrini açdı - FOTO

20 Mart 2015 13:01
0 Şərh     Baxış: 1 901
VTB-də minimal faiz dərəcəsi ilə nağd kredit 9.9%-dən
#DAİMLER AG #CAPİTAL LEASE AVİATİON PLC
Mercedes-Benz şirkəti "qaynar" Mercedes-Benz CLA 45 AMG Shooting Brake OrangeArt Edition universalın geniş qalereyasını dərc edib. Avtomobilin 360 a.g. hasil edən mühərriklə təchiz edilən və belə uzun adı olan versiyası çoxsaylı eksklüziv tərtibat elementləri və 65 539 avro qiyməti ilə öyünə bilər.

Milli.Az 4charx.com-a istinadən bildirir ki, xüsusi avtomobilin adından da göründüyü kimi "qaynar" universal Mercedes-Benz CLA 45 AMG Shooting Brake OrangeArt Edition interyer və eksteryerin tərtibatında radiator barmaqlığını, əsas optik hissələri, arxa görünüş xarici güzgülərin korpuslarını, arxa diffuzoru və unikal donuq qara rəngli təkər disklərini bəzəyən narıncı aksentlər əldə edib.

Bundan başqa Mercedes-Benz CLA 45 AMG Shooting Brake universalın OrangeArt Edition xüsusi versiyası dəri salon, dəyişikliyə məruz qalmış cihaz lövhəsi, xüsusi idman kürsüləri, narıncı rəngdə təzadlı tikişləri və eksklüziv avtomobil sahibinin alacağı xüsusi şəxsiyyət vəsiqəsi ilə də öyünə bilər.

Ən balaca, lakin olduqca "acıqlı" universal 360 a.g. və 450 Nm fırlanma anı hasil edən 2,0 litrlik turbo gücləndiricili benzin mühərriki ilə təchiz edilib. Mercedes-Benz CLA 45 AMG Shooting Brake OrangeArt Edition avtomobili 7 pilləli xüsusi AMG SPEEDSHIFT DCT avtomat transmissiyası və 4MATIC tam ötürmə sistemi əldə edib. Avtomobil 0-100 km/saat sürətlənməni 4,7 saniyəyə həyata keçirir. Maksimum sürət 250 km/saat həddində elektron qurğu ilə məhdudlaşdırılıb.

Milli.Az



Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.