Maraqlı

Rolls-Royce yeni kabriolet hazırlayacaq

8 Avqust 2014 23:29
0 Şərh     Baxış: 2 133
VTB-də minimal faiz dərəcəsi ilə nağd kredit 9.9%-dən
#MARAQLI #AVTO #ROLLS-ROYCE GROUP PLC
Milli.Az auto.az-a istinadən bildirir ki, Britaniya avtomobil istehsalçısı "Rolls-Royce"-un rəhbəri Torsten Müller-Otvos şirkətin kabriolet hazırladığını rəsmən təsdiq etdi. O modelin adını dəqiqləşdirmədi, lakin bir qədər əvvəl belə bir məlumat yayıldı ki, belə modifikasiya ikiqapılı "Wraith"da meydana gələ bilər.

Otvos dedi: "Mən "Rolls-Royce" şirkətinin doğrudan da brendin tarixində daha bir şərəfli fəsil açacaq yeni modelinin hazırlanmasının başlanğıcını təsdiq etməyə şadam. Avtomobil möhtəşəm kabrioletin müasir görünüşünü nümayiş etdirəcək və şübhəsiz ki, daha da tələbkar və müvəffəqiyyətli kişi və qadınların diqqətini cəlb edəcək".

Yenilik 2016-cı ilin ortalarında bazara çıxacaq və "Phantom" kabriolet və sedan, onun bazasındakı gələcək kupe, həmçinin dördqapılı "Ghost" və ikiqapılı "Wraith"a qoşularaq "Rolls Royce"un model sırasında altıncı model olacaq.

Şirkətdə bildirdilər ki, açıq avtomobil həmçinin markanın inkişaf üslubunun istiqamətini nümayiş etdirən "müasir, zərif və emosional" dizayn əldə edəcək. Gələcək kabrioletin güc qurğusu barədə hələlik məlumat verilmir. "Rolls-Royce"da bildirirlər ki, hal-hazırda şirkət modelin prototipini sınaqdan keçirir.

Kupe "Wraith" 633 a.g. və 6,6 litrlik V12 mühərriki ilə təchiz olunub. O avtomobilə ilk "yüzü" 4,6 saniyəyə yığmağa kömək edir. Maksimal  sürət 250 km/saatda elektronika ilə məhdudlaşır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.