Milli.Az auto.az-a istinadən bildirir ki, yeni "VW Tiguan"ın qabaritləri standart vəziyyətdə əvvəlki nəslə nisbətən demək olar ki, dəyişməyib. Bu barədə "Autocar" nəşriyyatı VW-dəki mənbəsinə istinadən xəbər verir. Onun təkər bazası indiki kimi 2,6 m-ə yaxın olacaq. Belə krossoverə 5 nəfər minə bilər.
Lakin indi "VW"-də uzadılmış təkər bazalı modifikasiya üzərində iş gedir və o, 7-yerlik olacaq, daha geniş baqajı alacaq. Belə versiya ilk növbədə ABŞ və Çin üçün nəzərdə tutulsa da, Avropada da satılacaq. Onun köməyi ilə "Volkswagen" markası "Tiguan"ı daha premial model kimi təqdim etmək niyyətindədir.
"VW Tiguan" opsional tam ötürücü və 1.4-dən 2.0-litrə qədər həcmi olan 4-silindrli mühərriklər seçimi (həm benzin, həm də dizel) alacaq. Krossoveri hibrid güc qurğusu ilə təchiz etmək də planlaşdırılır. "Autocar"-ın məlumatına görə, bu, hələlik hazırlıq mərhələsindədir.
Yeni nəsil "VW Tiguan"-ın debütü gələn ilin payızında keçiriləcək Frankfurt avtosalonunda olacaqdır. 7-yerli versiyanı bir qədər sonra - 2016-cı ildə Detroytdə təqdim edəcəklər.
Milli.AzBöyütmək üçün şəkillərə klikləyin.