Maraqlı

Yeni tüninq-atelye yarandı - FOTO

28 İyun 2014 20:15

0 Şərh Baxış: 2 534

VTB-də minimal faiz dərəcəsi ilə nağd kredit 9.9%-dən

#AVTO #BENTLEY MOTORS, INC. #PİNİNFARİNA SPA

İtailyanın Modena şəhərində "Ares Performance" adlı yeni tüninq-atelye işə başladı. Şirkətin layihələri sırasına həm adi xarici görünüş, interyer və texniki içlik tamamlamaları, həm də banın dəyişdirilməsi daxildir.

Milli.Az auto.az-a istinadən bildirir ki, məsələn, şirkətdə kupe "Bentley Continental GT"-ni "Shooting brake" tipli üçqapılı universala çevirməyi təklif edirlər. "Ares"-in baş-dizayneri "Pininfarina" atelyesində təcrübə keçən, sonra isə "Lotus" və "Toyota" avtomobillərinin xarici görünüşü üzərində işləyən rumın Mixay Panaitesku olacaq.

Layihələrin texniki hissəsinə əvvəllər "Mercedes-Benz AMG"-də baş əməliyyat direktoru olan Volf Zimmermann cavab verəcək. Hal-hazırda şirkətin bir neçə hazır tününq variantı var. Onların içində "Aston Martin Rapide S", "Bentley Continental GT W12", "Aston Martin Vanquish", "Rolls-Royce Wraith", həmçinin "Range Rover Vogue" və "Range Rover Sport" üçün tamamlama proqramları var.

Bütün modellər üçün aerodinamik asma, interyer tərtibatı və mühərriklərin gücləndirilməsi layihələri hazırdır. Belə ki, "Bentley" kupesində 650 a.g. verən altılitrlik W12 turbomühərrikinin faydalı iş əmsalını atelyedə 700 a.g.-nə çatdırmağı təklif edirlər. Şirkətdə iddia edirlər ki, belə avtomobil 100 km/saata 3,6 saniyəyə sürətlənə biləcək. Onun maksimal sürət isə 340 km/saatdır. Bundan başqa, hal-hazırda "Ares"-də "Lamborghini Huracan" və "Rolls-Royce Ghost", həmçinin yeni banlı "Aston Martin Rapide" üzərində işləyirlər.

Milli.Az

Böyütmək üçün şəkillərə klikləyin.