Maraqlı

Televizor və monitor mükafat aldılar

22 May 2014 22:13
0 Şərh     Baxış: 1 784
VTB-də minimal faiz dərəcəsi ilə nağd kredit 9.9%-dən
#LG ELECTRONİCS INC
On altı ölkənin 29 müxtəlif jurnalının üzv olduğu dünyanın nüfuzlu media assosiasiyalarından biri olan TIPA ilin ən yaxşı məhsulunu seçmək üçün hər il çağırılaraq qurğuları texnoloji üstünlüklər, innovativ dizayn, rahat istifadə və qiymətin keyfiyyətə uyğunluğu kimi bir sıra kriterilər üzrə qiymətləndirir.

Milli.Az ICTnews-a istinadən bildirir ki, Cənubi Koreyanın LG şirkətinin istehsalı olan LG UB980 ultra yüksək təsvir ölçülü (UHD - 4K) televizor modeli bu il TIPA Award 2014 mükafatına layiq görülüb. Mütəxəssislərin qənaətinə görə, televizor foto təqdimatları üçün ideal qurğudur. Yüksək təsvir ölçüsü (3840×2160 piksel) IPS panelinin digər üstünlükləri ilə birlikdə fotoşəkillərdə kiçik detalları çox yaxşı təqdim etməyə imkan verir.

Məhz buna görə LG UB980 ULTRA HD televizoru assosiasiyanın Best Photo TV Award mükafatına layiq görülüb.

65, 79, 84 və 98 düym diaqonallarında təqdim olunan və başlanğıc qiyməti 4499 avro təşkil edən LG UB980 seriyası WebOS əməliyyat sistemi ilə təchiz edilib. Bundan başqa, LG 34UM95 monitoru TIPA-nın Fotoşəkillərin göstərilməsi üçün ən yaxşı monitor nominasiyasında mükafata layiq görülüb.

LG monitorları ardıcıl ikinci ildir Best Photo Monitor Award mükafatını alır.

Tərəflər nisbəti 21:9 təşkil edən 34 düymlük monitor UltraWide QHD (3440x1440) təsvir ölçüsünə, rənglərin idarə edilməsi funksiyalarına və bir neçə, o cümlədən Thunderbolt 2 interfeysinə qoşulma imkanına malikdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.