Maraqlı

""Qırmızı karbon" Peugeot - FOTO

9 May 2014 20:38

0 Şərh Baxış: 1 599

#PEUGEOT SA #KARBON IRAN

Peugeot şirkəti öz RCZ idman kupesinin növbəti xüsusi versiyasını təqdim edib. Yeni avtomobil vahiməli "Qırmızı karbon" (Red Carbon") adlandırılıb və tezliklə İngiltərədə sifariş edilə biləcək.

Milli.Az 4charx.com-a istinadən bildirir ki, Peugeot RCZ Red Carbon kuzovu Sport variantı bazasındadır və yalnız qırmızı Moroccan Red və ya qara Nera Black rənglərdə təklif edilir. Əsas rəngdən asılı olmayaraq dam, radiator barmaqlığı, yan güzgülərin korpusları və əyləc supportları qara rəngdə olacaq. Model həmçinin ksenon fənərlər və 19 düymlük yüngül lehimli disklərə sahib olacaq.

Salonda üzərinə qırmızı tikişli qara dəri çəkilmiş idman kürsüləri quraşdırılıb. Opsiyada Bluetooth və GPS-naviqasiya nəzərdə tutulub.

Kapotun altında üç cür mühərrik təklif edilir:

- 1,6 litrlik THP 156

- 1,6 litrlik THP 200

- 2,0 litrlik HDi

Mühərrikdən asılı olmayaraq onunla birgə çalışmaq üçün 6 pilləli mexaniki ötürücü qutu nəzərdə tutulub.

Peugeot RCZ Red Carbon çox məhdud tirajla - cəmi 300 nüsxə buraxılacaq və qiyməti 26 min funt sterlinqdən başlayacaq.

Milli.Az

Böyütmək üçün şəkillərə klikləyin.