Maraqlı

Subaru Outback-da yenilik var - FOTO

19 Aprel 2014 19:39

0 Şərh Baxış: 1 218

#SUBARU CO LTD

Yeni Legacy kimi ABŞ-da satışları bu ilin yayında başlayacaq restaylinq edilmiş model altıbucaqlı radiator barmaqlığına və oxşəkilli baş işıq faralarına malikdir. Modelin kapotu alüminiumdan istehsal edilib. Klirens 221-millimetrdir. Həmçinin damda yük yerini, yük yeri qapağının spoylerini və yüngül lehimli 17 və ya 18 düymlük diskləri qeyd etmək olar.

Milli.Az 4charx.com-a istinadən bildirir ki, modelin baza komplektasiyasına elektrik şüşəqaldıran və kilid, kondisioner və 6,2 düym ekranlı məlumat-əyləncə sistemi də daxildir.

Premium modifikasiyası 10 səviyyədə elektrik nizamlanan sürücü kürsüsünə, dəri sükan çarxına və iki zonalı avtomat klimat-kontrola malikdir. Bundan başqa model qabaq oturacaqların isidilməsi və 7 düym ekranla məlumat-əyləncə sisteminə malikdir.

Subaru Outback 2015 iki mühərriklə təqdim edilir: 2,5 litrlik 4 silindrli (175 a.g. və 235 Nm) və 3,6 litrlik 6 silindrli (256 a.g. və 334 Nm).

Milli.Az

Böyütmək üçün şəkillərə klikləyin.