Maraqlı

Tanış olun: Maserati Alfieri - FOTOSESSİYA

5 Mart 2014 21:37

1 Şərh Baxış: 1 967

VTB-də minimal faiz dərəcəsi ilə nağd kredit 9.9%-dən

#AVTO #MASERATİ FİAT

Maserati şirkəti Genevrə avtosalonuna konseptual Alfieri kupesi gətirib. Markanın nümayəndələrinin sözlərinə görə, yeni model firması üçün "gələcəyə qapı" olacaq, prototipin dizaynının bir çox elementləri növbəti modellərdə istifadə ediləcək.

Milli.Az 4charx.com-a istinadən bildirir ki, kupe 1914-cü ildə Bolonya yaxınlığında bir avtoemalatxana təşkil etmiş və bununla da italyan superkar istehsalçısının tarixinin başlanğıcını qoymuş Alferi Mazeratinin şərəfinə belə adlandırılıb. Yeni konseptin zahiri görünüşü "Fiatın" əsas dizaynerləri Marko Tenkoni və Lorenso Ramaçiottinin rəhbərliyi altında gənc mütəxəssislər qrupu tərəfindən işlənib.

Yenilik 2+2 kürsü düzümünə, LED-elementlərlə işıq texnikasına, alüminium çilənmiş karbondan hazırlanmış qabaq spoyler və arxa diffuzor, həmçinin mərkəzi konsolda rəqəmsal cihaz panelinə və iri TFT ekrana, həmçinin tamamilə əl işi olan bir sıra alüminium elementlərə malikdir. Təkər diskləri - qabaqda 20, arxada 21 düymlükdür.

Kupe 460 at gücü və 520 Nm fırlanma anı hasil edən 4,7-litrlik səkkizlik mühərrik əldə edib.

Alfieri həmçinin arxa oxda yüksək sürtünmə diferensialı, Brembo karbon-keramik əyləc mexanizmləri və göy rəngli əyləc tutqacları ilə təchiz edilib. Kupenin dinamik göstəriciləri açıqlanmır.

Prototip məsələn, Jaguar F-Type kimi bir modellə rəqabətə girə biləcək imkanları olan kiçik idman kupesinin müjdəçisi ola bilər. Belə bir modelin 2016-cı ildə Maserati model sırasında peyda olacağı gözlənilir.

Milli.Az

Böyütmək üçün şəkillərə klikləyin.