Maraqlı

Bu Mercedes GLA yanvarda satılacaq - FOTO

16 Sentyabr 2013 19:39

0 Şərh Baxış: 1 529

VTB-də minimal faiz dərəcəsi ilə nağd kredit 9.9%-dən

#DAİMLER AG #CAPİTAL LEASE AVİATİON PLC

"Mercedes-Benz" şirkətinin kompakt ailəsini tamamlayacaq krossover "GLA" barədə istehsalçı demək olar ki, bütün məlumatı verib. Lakin ona canlı olaraq baxmaq imkanı Frankfurt avtosalonunda mümkün oldu.

Milli.Az Auto.az-a istinadən bildirir ki, krossover yeni platformanı ailənin digər üzvləri olan A- və B-klass hetçbeklərlə və sedan "CLA" ilə bölüşür. "Mercedes GLA"-in eksteryeri həmin üslubda düzəldilib, buna görə də bir çoxları onu "kökəlmiş A-klass" adlandırırlar.

O, həqiqətən, hetçbekdən böyükdür - uzunluğu 4417 mm, eni 1804 mm və hündürlüyü 1494 mm. Krossover kifayət qədər həcmli - 421 litr - baqaj alıb. O opsional paket "Load Compartment" vasitəsilə 60 litr böyüdülə bilər, arxa oturacaqlar yığıldıqda isə 836 litrə çata bilir.

Krossover güc aqreqatları qammasını platformanın donorundan əldə edəcək. Beləliklə, "Mercedes GLA"-i 156-dan 211 a.g.-ə qədər gücü olan benzin, 136-170 a.g.-ə qədər isə bir cüt dizel mühərriki ilə təchiz etmək mümkün olacaq. Ən güclü "GLA" 100 km/saata 6,5 saniyəyə sürətlənəcək.

"Mercedes"-də məhz bu krossover üçün elektronika ilə idarə edilən elektro-hidravlik muftalı tam ötürücü sistem düzəldiblər. Bu sistem qabaq və arxa oxlarda fırlanma anının sayını çox enli diapazonda dəyişdirə biləcək.

"Mercedes-Benz"-də AMG modifikasiyasından da tezliklə istifadə ediləcəyi gözlənilir. "Yüklənmiş" krossoveri "A45 AMG"-dən 2-litrlik turbo mühərriklə təchiz etmək planlaşdırılır.

O hetçbekdə 360 at gücü verir. O "AMG SpeedShift"-dən 7-pilləli robotlaşdırılmış sürət qutusu ilə birgə işləyəcək. Bundan əlavə "GLA 45 AMG" idman asılqanı, daha güclü əyləclər və aerodinamik asma alacaq.

İlkin planlara əsasən, "yüklənmiş" krossoverin seriyalı nümunəsini "Mercedes" gələn ilin əvvəlində təqdim edəcək. Həmin vaxt standart "Mercedes-Benz GLA" də satışa çıxarılacaq.

Milli.Az

Böyütmək üçün şəkillərə klikləyin.