İlin toyunda türk gəlin - FOTO

İngilislərin "İlin toyu" adlandırdıqları toy mərasiminə hazırlıqlar artq başa çatmaqdadır.

Gəlin Ankaranın sabiq bələdiyyə sədri, Türkiyənin sabiq nazirlərindən biri Mehmet Altınsoyun nəvəsi Syuzan Eşmandır.

Milli.Az Daily Mail-ə istinadən bildirir ki, İngiltərə qəzetləri toyla bağlı xəbərlərə "Toni Blerin gerçək varisi qayıdır" başlığı veriblər.

Toy mərasimi sabiq baş nazirin Bukingemşirdəki malikanəsində olacaq.

ABŞ-dakı nüfuzlu Yel Universitetini bitirəndən sonra "Morgan Stanley" bankında çalışan Euan Bler sonradan siyasətə başlayıb və hökumətin iş proqramında fəaliyyət göstərib. Hazırda Koventri şəhərindəki Sarina Russodakı işədüzəltmə bürosuna rəhbərlik edən Euan Bler baş nazir olmaq istədiyini vurğulayıb.

29 yaşlı Euan Blerin 8 ildən bəri birlikdə olduğu Syuzan Eşman 25 yaşındadır.

Onun valideynləri Toni Blerin Bukingemşirdə 2008-ci ildə 4 milyon funt-sterlinqə satın aldığı, Uotton Anderuorldda yerləşən "South Pavilion" malikanəsindəki toya hazırlaşırlar.

Euan və Syuzanı bir-birləri ilə sabiq müdafiə naziri Ceff Hunun tanış etdiyi vurğulanır.

Gənclər ötən il Londonun şimalındakı Ayslinqton səmtində ev də satın alıblar.

Daily Star bildirir ki, toy şənbə günü olacaq.

Toya dəvət edilmiş qonaqların sayı və kimliyi açıqlanmır.

Bler ailəsinin yaxınlarının dediklərinə görə, toy çox dəbdəbəli olacaq.

The Guardian-ın məlumatına görə, 60 milyon funt-sterlinqlik varidata malik Toni Blerin türk əsilli gəlini Syuzan Eşman "çox mədəni, gözəl və zövqlü xanım"dır.

Hazırda "Social Finance"da analitik işləyən Syuzan Oksford Universitetinin nəzdindəki Triniti Kollecinin siyasət və fəlsəfə fakültəsini bitirib.

83 yaşlı sabiq türk nazir Mehmet Altınsoyun qızı Sedef Altınsoyun 14 il əvvəl boşandığı milyonçu idmançı Conatan Eşmandan olan qızı Syuzan Eşman toyla bağlı jurnalistlərin suallarını cavablamaq istəməyib.

Milli.Az