Maraqlı

Dəhşətli istilər: yumurtadan cücə çıxır, təkərlər yanır - FOTO

2 Avqust 2013 10:20

0 Şərh Baxış: 3 031

VTB-də minimal faiz dərəcəsi ilə nağd kredit 9.9%-dən

#FOTOREPORTAJLAR #MARAQLI

Çinlilər istidən təngnəfəs olublar. Onların dediklərinə görə, son illər yay aylarının belə isti və bürkülü keçməsini xatırlaya bilmirlər.

Meteoroloqlar bildirirlər ki, Çində son 140 ildə havanın temperaturu belə yüksək səviyyədə olmamışdı.

"Səmaaltı imperiya"da havaların orta temperaturu indi +42,7 dərəcədir.

Yerli telekanallar yollarda əriyən asfalt örtüyündən, avtomobillərin partlayan şinlərindən, istidən ürəyi gedən insanlardan, günvurmaya məruz qalıb xəstəxanalara düşənlərdən bəhs edir.

Milli.Az AsiaOne-a istinadən bildirir ki, ölkənin cənub və şərq bölgələrində həddən artıq isti hava iki həftə də davam edəcək.

Çində istilər o səviyyədədir ki, yollardakı kanalizasiya lyüklarının üzərində krevetkalar qızardılır, inkubatorlar olmadan yumurtalardan cücələr çıxır. Şanxay şəhərinin kənarındakı avtomobil magistralında reklam lövhəsi qəflətən alışaraq yanıb.

Şanxay sakini, 17 yaşlı Y Sialın dediyinə görə, mobil telefonu istidən qızaraq partlayıb.

Çzeszyan vilayətindəki Ninbo şəhərində istidən evlərin pəncərələrində şüşələr çatlayıb.

Ölkənin cənubundakı Hunan vilayətində onlarla evin mətbəxində, soyuducudan kənar saxlanan yumurtalardan cücələr çıxıb.

Milli.Az

Böyütmək üçün şəkillərə klikləyin.