Alfa Romeo əla tüninq olunacaq - FOTO

Dəbli italyan kupesi üçün tünerlər banın karbon asılqanının fərdiləşdirilməsini və eksklüziv konstruksiyalı təkərlər təklif edəcəklər. Tüninq-paketə həmçinin mühərrikin məhsuldarlığını yaxşılaşdıracaq detallar və avtomobilin asmasının tamamlanması daxil ediləcək. Tüninq paketi avtomobil ilə eyni vaxtda satışa çıxarıla bilər.

Milli.Az Auto.az-a istinadən bildirir ki, 100% karbon lifindən hazırlanmış yeni bodi-kit kompakt superkupenin orijinal dizaynını saxlamağa kömək edəcək və bununla da onun idman xarakterini xüsusi olaraq qeyd edəcək və qaldırma gücünü aşağı salaraq avtomobilin yüksək sürətlərdə davamlılığını yaxşılaşdıracaq. Aşağı dodağı, böyük hava çıxıntısı və əyləc mexanizmləri üçün yan kəsikləri olan qabaq bamper, bir cüt yan ətəklər və diffuzoru olan dəyişilmiş arxa bamper avtomobilin banına vizual təcavüzkarlıq verir. Eksteryerin fərdiləşdirilməsi üçün avtomobil sahiblərinə ban üçün 2 rəng və digər xırda detallar üçün geniş palitra təklif olunacaq.

Sportkarın asmasını "KW Automotive" şirkətindən olan "DCC" və "Clubsport" dəstinin detalları ilə təchiz edəcəklər, doğma disklərin əvəzinə isə "Pogea Racing" tüninq atelyesi məxsusi olaraq 19- və 20-düymlük "XCUT" disklərini təklif edəcək. "Alfa Romeo 4C" avtomobilinin daxili bəzəyi üçün alman tüninq mütəxəssisləri karbon və alüminiumdan aksesuarlar hazırlayacaqlar. Dəridən olan interyeri isə üzərində "Pogea Racing"-ni loqotipi olan ayaq altıları və oturacaqlarda və digər yerlərdə tünerin simvolları olan yeniliklər tamamlayacaq.

İtalyan sportkarının sahiblərinə həmçinin seriyalı modeldə 240 a.g. verən 1,75-litrlik 4-silindirli turbinli mühərrik üçün texniki tüninq proqramı da təklif ediləcək. Tünerlər onun gücünü 415 a.g.-ə və 450 Nm-ə qədər çatdırmaq niyyətindədirlər. Bunun üçün onlar yeni turbokompressor, təkmilləşdirilmiş buraxma kollektoru, səsi tənzimləmə imkanı olan idman qaz buraxma sistemi və mühərrik üçün yeni idarəetmə bloku quraşdırmalı olacaqlar. Bununla yanaşı, yanacaq və soyutma sistemləri də dəyişikliklərə məruz qalacaqlar.

Milli.Az