Maraqlı

Döşəmə piltələri tarixə qovuşur: 2 mm-lik örtüklə yer qırılmadan yenilənəcək

7 May 2026 01:01

Baxış: 8 252

VTB-də minimal faiz dərəcəsi ilə nağd kredit 9.9%-dən

#MARAQLI

Döşəmə örtüyü sektorunda balansları dəyişdirə biləcək yeni bir texnologiya diqqət çəkir. Ənənəvi keramika və kafelin yerini alması gözlənilən bu sistem cəmi 2 millimetr qalınlığında olması ilə fərqlənir. Üstəlik, tətbiqi sürətli, təmiz və zəhmətsizdir.

Milli.Az xəbər verir ki, bu innovativ texnologiyanın əsas üstünlükləri aşağıdakılardır:

Yeni nəsil örtük mövcud səthin üzərinə birbaşa tətbiq olunur. Bu isə köhnə kafelləri qırmağa, tikinti tullantıları çıxarmağa və uzun sürən təmir işlərinə ehtiyacı aradan qaldırır.

Sistemin ən böyük üstünlüklərindən biri sürətidir. Ekspertlərin fikrincə, bu üsulla bir sahənin döşəməsi cəmi bir gün ərzində tamamilə yenilənə bilər. Proses zamanı toz və səs minimum səviyyədə olur.

Cəmi 2 mm qalınlığında olmasına baxmayaraq, bu material xüsusi tərkibi ilə gücləndirilib. Çin və Avropada istehsal olunan ultra-incə vinil texnologiyalarına əsaslanan bu sistem elastik quruluşu sayəsində zərbələrə qarşı müqavimət göstərir və çatlama riskini azaldır.

Bu növ örtüklər istilik və səs izolyasiyası baxımından klassik keramikadan daha konfortlu istifadə imkanı təqdim edir.

Həm işçilik müddətinin qısalması, həm də əlavə söküntü xərclərinin olmaması maliyyəni əhəmiyyətli dərəcədə azaldır.

Mütəxəssislərin fikrincə, sürətli tətbiq və müasir görünüş bu sistemləri xüsusilə renovasiya (yeniləmə) layihələrində ön plana çıxarır. Daşınmaz əmlakın estetik dəyərini artıran bu 2 mm-lik örtüklər klassik üsullara güclü alternativ hesab olunur.

Lalə Qüdrətova
Milli.Az