Maraqlı

Hazırlanması 6 saat çəkir: Dadına baxan bir də istəyir

23 Yanvar 2026 23:50

Baxış: 1 603

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Türkiyənin kulinariya xəritəsində xüsusi yerə malik olan, xüsusilə Kastamonu və Taşköprü bölgələri ilə eyniləşən "Quyu kababı" mövsümün açılması ilə yenidən gündəmə gəlib. Bu təamı digərlərindən fərqləndirən əsas cəhət onun bişirilmə üsulu və sərf olunan vaxtdır.

Milli.Az xəbər verir ki, quyu kababının hazırlanması hələ gün doğmadan başlayır. Proses bir neçə mərhələdən ibarətdir:

Xüsusi olaraq kərpicdən hazırlanan quyunun içində çıra odunu yandırılır. Quyunun divarları tam qızana qədər gözlənilir.

Odunlar tam yanıb köz halına gəldikdən sonra alov söndürülür. Quyunun içindəki toz və tüstü təmizlənir ki, ət his qoxmasın.

Quzular xüsusi çəngəllərə keçirilərək quyunun içinə, birbaşa atəşə toxunmadan asılır.

Quyunun ağzı palçıqla və ya xüsusi qapaqla elə bağlanır ki, içəri heç bir hava girməsin.

Ətlər quyuda təxminən 5-6 saat ərzində çox yavaş-yavaş, öz buxarında və yağı ilə bişir.

Quyunun dibinə qoyulan qablar balığın süzülən yağlarını toplayır, bu yağdan isə məşhur "büryan" plovunun hazırlanmasında istifadə olunur.

Ustad aşpazlar bildirirlər ki, quyu kababına heç bir əlavə ədviyyat vurulmur. Yalnız duz istifadə olunur. Ətin təbii dadı, quyunun istisi və palıd odununun verdiyi yüngül qoxu bu təamı unikal edir.

Hazırlanması bu qədər vaxt apardığı üçün kabab adətən günorta saatlarında hazır olur.

Lalə Qüdrətova
Milli.Az