Maraqlı

Türk ailəvi film “Kardeş Takımı 3” - eksklüziv olaraq CineMastercard-da! - VİDEO

8 Yanvar 2026 17:33

Baxış: 760

VTB-də minimal faiz dərəcəsi ilə nağd kredit 9.9%-dən

#VİDEO #KİNO

Yalnız "CineMastercard" kinoteatrlar şəbəkəsində 8 yanvar tarixindən etibarən tamaşaçıların böyük rəğbətini qazanmış macəra franşizasının davamı olan Türkiyə istehsalı ailəvi film "Kardeş Takımı 3" filminin nümayişinə start verilib.

Üçüncü hissədə komanda daha da böyüyür və sirli zaman səyahətinə çıxır. Həyəcanlı süjet qəhrəmanları müxtəlif tarixi dövrlərə aparır; onları gözlənilməz sınaqlar, təhlükələr və maraqlı kəşflər qarşılayır. Hekayə keçmişlə gələcəyi birləşdirərək süjetə sirr və yumor elementləri əlavə edir.

Autentik dekorasiyalar və tarixi kostyumlar tamaşaçıların dövrlərin ruhunu daha dərindən hiss etməsinə imkan yaradır. Əvvəlki hissələrdə olduğu kimi, "Kardeş Takımı 3" komandada əməkdaşlıq, cəsarət və möhkəm ailə bağları kimi dəyərləri yüngül, əyləncəli və komedik üslubda təqdim edir.

Filmin rejissoru Bedran Güzeldir.
Baş rollarda: Ceyda Kasabalı, Fırat Albayram, Çağan Efe Ak və digərləri çəkilib.

"Kardeş Takımı 3" - fantaziya və xoş yumoru bir araya gətirən, bütün ailə üçün parlaq və yaddaqalan macəradır.

Milli.Az