Maraqlı

Alimlərdən yenilik: Daxili səsi deşifrə edən beyin çipi yaradılır

19 Avqust 2025 07:07

Baxış: 790

VTB-də minimal faiz dərəcəsi ilə nağd kredit 9.9%-dən

#MARAQLI

Kaliforniyanin (ABŞ) Stenford Universitetinin alimləri iflic olan insanların daxili nitqini deşifrə etmək və səsləndirmək üçün ilk beyin implantı yaratmağa nail olublar.

Milli.Az xəbər verir ki, əvvəllər nitq insan danışmaq istəyərkən beynin motor korteksindəki siqnalları əldə etməklə bərpa olunurdu.

"İlk dəfə olaraq, sadəcə danışmaq haqqında düşünəndə beyin fəaliyyətinin necə olduğunu anlaya bildik", - "Cell" jurnalında layihəni təsvir edən məqalənin aparıcı müəllifi Erin Kunts bildirib.

Stenford Universitetinin tədqiqatında iflic olan dörd nəfər iştirak edib. Onlar yalnız gözləri ilə ünsiyyət qura biliblər. Onların beyninin motor korteksinə elektrodlar yerləşdiriblər. Süni intellekt modelləri fonemlərə uyğun gələn sinir nümunələrini tanıyıb və cümlələr yaradıb.

Real vaxtda deşifrənin dəqiqliyi 74%-ə çatıb. Universitetin alimi Frenk Uillett hesab edir ki, gələcəkdə belə sistemlər yalnız düşüncələrdən istifadə edərək səlis nitqi bərpa edə biləcək.

Düşüncələrin məxfiliyini qorumaq üçün xüsusi parol sistemi yaradılıb. (E-saglam.az)

Milli.Az