Maraqlı

Toyda gəlindən çox qaynanadan danışdılar - Sərvəti ilə... - FOTO

23 İyul 2024 13:41

Baxış: 1 130

#MARAQLI #INDİA #TOY #HİNDİSTAN

10 gün öncə Hindistanın və dünyanın ən zəngin adamlarından biri olan Mukeş Ambani kiçik oğlu Ananta düz 4 gün dörd gecə toy etdi. Toy barədə maraqlı xəbərlər hələ də dünya mediasının gündəmini zəbt edir.

Milli.Az lent.az-a istinadən bildirir ki, 115 milyard dollar sərvəti olan Ambani ailəsi bu toy üçün 156 milyon dollar xərc çəkib.

Bir onu demək yetər ki, toya dünya ulduzları axın edib. Rihanna 7, Castin Biber 10 milyon dollar qarşılığında toyda çıxış edib.

"İlin toyu" kimi tarixə düşən bu təntənəli məclisdə adından ən çox söz etdirən isə milyarderin özü kimi milyarder olan xeyriyyəçi xanımı Nita Ambani olub.

Nita Ambaninin toyda üzərində olan geyim və zinət əşyalarının dəyərini eşidənlər təəccüblənirlər.
Belə ki, onun toyda geydiyi brend, qızıl və gümüş saplarla işlənmiş sarinin qiyməti 250 min dollar təşkil edir.

Böyük zümrüd qaşlarla diqqət çəkən almas qaşlarla çərçivələnmiş boyunbağının qiyməti 63 milyon dollardır. Boyunbağı ilə ahəng təşkil edən sırğalar 2 milyon dollar, böyük sarı brilliant qaşdan ibarət üzüyü isə 6,5 milyon dollar təşkil edir.

Xatırladaq ki. bu yalnız bir günlük bəzək-düzəyin qiymətidir. 61 yaşlı qaynana 4 gün davam edən toyun hər gününə fərqli obrazda və fərqli zinət əşyaları ilə qatılıb.

Qoluna taxdığı 6 ədəd brilliant qolbağın hər birinin dəyəri 6 milyon dollar, zümrüd işləməli 2 bilərziyin hər biri isə 10 milyon dollardır.

Xanımın geyim və aksessuarlarının ümumi dəyəri 119,250 milyon dollara bərabər olub.

Milli.Az
Xəbərlərimizi WhatsApp kanalımızdan da oxuyun