Maraqlı

Bal ayı burnundan gəldi

24 Noyabr 2022 18:54
Baxış: 610

Britaniyanın Hempşir əyalətinin Liminqt şəhərinin sakini Mavrikiy adasında bal ayı zamanı dünyanın ən zəhərli balıqlarından birinə toxunub.

Milli.Az bildirir ki, bu barədə "The Mirror" məlumat yayıb.

27 yaşlı Emi Tomson və 37 yaşlı Kallüm Tomson toylarından sonra iki həftəlik Mavrikiy adasına səyahətə çıxıblar. Yeni evlənənlər adada olarkən maska ​​və üzgəclərlə suya dalmağa gediblər və ən maraqlı dalğıc yerlərinə sürətli qayıq turu alıblar.

"Səfərin sonunda təşkilatçılar çimərlikdə ət bişirdilər. İsti idi və üzməyə getmək istəyirdim. Təşkilatçılardan biri dedi ki, bu yerdə üzmək üçün mənə ayaqqabı lazım deyil", - deyə Emi bildirib. Və o, ayaqyalın üzməyə gedib.

Emi suya girəndən dərhal sonra nəyinsə üstünə basdığını hiss edib. Əvvəlcə onun mərcan olduğunu düşünüb. Bundan sonra ayağı mavi-ağ rəng alıb və ölçüsü ikiqat artıb. Məlum olub ki, onu dünyanın ən zəhərli balıqlarından biri sancıb.

Britaniyalı qadın otelə qayıtdıqdan sonra həkimə müraciət edib və həkim ona xəstəxanaya getməyi tövsiyə edib. Xəstəxanada müalicə cütlüyə 1,8 min funt-sterlinqə başa gəlib. Emiyə morfin iynəsi vurulub. Növbəti gecəni qadın xəstəxanada keçirib və ona antidot verilin. Həkimlər xəstənin ayağını kəsib zəhəri sıxaraq çıxarmalı olublar.

Bal ayının qalan hissəsində Tomson paltar geyinib və hovuz kənarında uzanıb. Cütlük Böyük Britaniyaya qayıtmazdan əvvəl istirahətlərinin qalan hissəsini Mavrikiydə keçirib. Zaman keçdikcə ağrılar güclənib və hadisədən iki ay sonra Eminin səhhəti tam bərpa olunmayıb.

İrfan Vəliyev
Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics