Maraqlı

Bu qadın 25 ildir dırnaqlarını kəsmir

4 Avqust 2022 18:30

0 Şərh Baxış: 969

VTB-də minimal faiz dərəcəsi ilə nağd kredit 9.9%-dən

#ABŞ

ABŞ-ın Minneapolis şəhərindən olan Dayana Armstronq 25 il manikürdən imtina edərək dünyanın ən uzun dırnaqlarının sahibi kimi Ginnesin Rekordlar Kitabına düşüb.

Milli.Az bildirir ki, bu haqda təşkilatın Twitter hesabında paylaşım yer alıb.

Qeyd edilir ki, 63 yaşlı qadının dırnaqlarının ümumi uzunluğu 12,8 metrə çatıb və bununla da yeni dünya rekordu müəyyən edilib. YouTube kanalında yerləşdirilən videoda amerikalı dırnaqların böyüməsinin səbəblərini əvvəllər heç kimə açıqlamadığını etiraf edib.

"Mən övladlarıma və nəvələrimə onları niyə böyütdüyümü izah etmirdim", - Armstronq deyib. Qadının sözlərinə görə, 16 yaşlı qızı hər həftə sonu ona manikür etdirib, lakin növbəti astma tutmasından sonra qız dünyasını dəyişib. Armstronq özünü "əzilmiş hiss edib" və dırnaqlarını kəsməyi dayandırıb.

Bundan əlavə, videoda amerikalı qadın avtomobil idarə etməyi dayandırdığını, gözəllik salonu ustalarının isə ona manikür etməkdən imtina etdiyini bildirib. Onun nəvələri mütəmadi olaraq Armstronqun dırnaqlarının gözəl və sağlam qalması üçün onlara qulluq etməyə kömək edib.

Məlumdur ki, əvvəllər ən uzun dırnaqların sahibi titulu Texas ştatının Hyuston şəhərinin sakini Ayanna Uilyamsa məxsus idi və o dırnaqları 28 il böyüdüb. 2017-ci ildə onların ümumi uzunluğu 5,76 metr olub. Qadının manikürə 20 saat sərf etdiyi məlumdur. 2021-ci ildə Uilyams onlardan qurtulmaq qərarına gəlib. Həmin vaxt dlırnaqların uzunluğu 7,33 metrə çatmışdı. Onun sözlərinə görə, özəlliyinə görə adi həyata uyğunlaşa bilməyib.

İrfan Vəliyev
Milli.Az

Milli.Az - Xəbər Portalı

Bu qadın 25 ildir dırnaqlarını kəsmir

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?