Maraqlı

Sərnişin təyyarədə zarafat etdi, aləm qarışdı - VİDEO

5 İyul 2022 18:15

0 Şərh Baxış: 1 015

#DÜNYADA #VİDEO

"EasyJet" aviaşirkətinin sərnişininin təyyarə göyərtəsindəki bomba ilə bağlı uğursuz zarafatına görə hərbi qırıcı təyyarə havaya qaldırılıb - digər sərnişinlər hadisəni lentə alıb.

Milli.Az bildirir ki, təfərrüat və videonu "Mirror" dərc edib.

18 yaşlı britaniyalı turist "EasyJet"də bir qrup dostu ilə Qetvikdən İspaniyanın Menorka şəhərinə tətilə gedirdi. Yola düşməzdən əvvəl həmin şəxs sosial şəbəkələrdə təyyarə göyərtəsindəki bomba ilə bağlı zarafat edib - İspaniya hava limanının dispetçer xidməti terror aktı ilə bağlı mesaja təyyarənin təyinat yerinə uçmasına təxminən bir saat qaldıqda cavab verib. Mülki Qvardiya dərhal xüsusi əməliyyat təşkil edib, bu əməliyyata hərbçi, həmçinin istehkamçılar, itlər və mütəxəssislər cəlb olunub.

Hadisə şahidinin pəncərədən çəkdiyi kadrlarda sərnişin təyyarəsinin qırıcı tərəfindən necə müşayiət edildiyi görünür. Təyyarə eniş etdikdən sonra hava limanının ayrıca hissəsinə çıxarılıb, bundan sonra mütəxəssislər orada axtarış aparıblar. Qeyd edilir ki, bu əməl britaniyalı üçün həbslə nəticələnib, bundan başqa onu bir neçə min funt sterlinq cərimə gözləyir.

İrfan Vəliyev
Milli.Az