Maraqlı

Şəkil çəkdirmək üçün köpək balığını sudan çıxardılar

29 İyun 2022 21:07

0 Şərh Baxış: 774

#HEYVANLAR

İtaliyanın Sardiniya adasında çimərlikdə dincələn kişilər dayaz suda üzən köpək balığının şəklini çəkmək üçün sahilə çıxarıblar.

Milli.Az bildirir ki, bu barədə "Daily Star" məlumat yayıb.

Hadisə iyunun ortalarında baş verib. Hadisə şahidinin çəkdiyi kadrlarda insanların başıaşağı köpəkbalığının ətrafına toplaşdığını, sonra onlardan birinin onu quyruğundan tutaraq sudan uzaqlaşdırdığını görmək olar. Bu zaman bir neçə nəfər telefonları ilə balıqları çəkir.

Fotolar sosial şəbəkələrdə yayılıb və müzakirələrə səbəb olub. Bəzilərinin fikrincə, özünü sahilə atan köpək balığını istirahət edənlər xilas ediblər. Digərləri bunun heyvan istismarı olduğunu düşünürdü.

Nə baş verdiyini anlamaq üçün heyvan hüquqları müdafiəçisi Enriko Rizzi vəkil tutdu. Vəkil Alessio Kudjini Borgeze şəkillərdə köpəkbalığının yaralı görünməsinə diqqət çəkib. O, həmin şəxslərin müəyyən edilərək məsuliyyətə cəlb edilməsi üçün əlindən gələni edəcəyinə söz verib.

İrfan Vəliyev
Milli.Az