PUL
Bir çox insanlar ağız qoxusuna qarşı, nəfəsi təravətləndirən vasitə kimi nanə və mentolu tanıyır. Saqqızların çoxu da mentolludur.
Lakin son elmi araşdırmalar göstərib ki, nanədən də qat-qat effektiv vasitə muskat qozu - kiçik hindistan cevizinin tozudur. Ədviyyat kimi üyüdülüb satılan, istifadə olunan bu ceviz 30 dəfə daha təsirli olub, ağız boşluğunu yandırmadan nəfəsi ən kəskin yeməkdən sonra belə sürətlə təravətləndirir.
Milli.Az medicina.az-a istinadən bildirir ki, ədviyyatın tərkibində olan neoliqnan soyuducu, qoxuaparıcı xassəyə malikdir. Onun effekti mentoldan 3 dəfə artıq saat qalır.
Tədqiqatda 30 könüllü iştirak edib. Onlar 30 saniyə ərzində bu ədviyyat qatılmış maye ilə ağızlarını yaxalayıblar. Məlum olub ki, mentol 5 dəqiqədən sonra təsir edir, muskat isə cəmi 1 dəqiqəyə. Təravət effekti isə 45 dəqiqə çəkir, bu da mentolla müqayisədə çoxdur.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
