Hadisə

Evlərə içməli su verilir - VİDEO

6 Mart 2021 14:59

Baxış: 1 141

VTB-də minimal faiz dərəcəsi ilə nağd kredit 9.9%-dən

#VİDEO #SU

Siyəzəndə evlərə verilən içməli su bir müddətdir ki, palçıqlı gəlir.

Milli.Az xezerxeber.az-a istinadən bildirir ki, söhbət rayonun Yenikənd kəndindən gedir.

Sakinlər bildirir ki, bir müddətdir onlara bulanıq su verilir. İki gündən bir borular vasitəsi ilə ötürülən su nəinki içməyə, heç məişətdə istifadəyə də yaramır.

Kənd sakinlərinin sözlərinə görə, məsələ ilə bağlı aidiyyatı quruma müraciət ediblər. Lakin hələlik nəticə yoxdur. Onlar bu sudan xəstəlik yayılmasından narahatdır.

Siyəzən Sukanal İdarəsinin sahə rəisi Eldar Cabbarov "Xəzər Xəbər"ə açıqlamasında bildirib ki, Yenikənd ərazisində yeni xətlərin çəkilməsi istiqamətində işlərin görülməsi nəzərdə tutulub. O ki qaldı suyun palçıqlı gəlməsinə, sahə rəisi bildirib ki, şaxta nəticəsində borularda çatlar əmələ gəlib və qarışım olub.

Qeyd edək ki, Yenikənd kəndində 400-ə yaxın ailə yaşayır. Sakinlər problemin tezliklə həll olunmasını istəyirlər.

Milli.Az