Hadisə

Qubada fabrik və 10 hektar taxıl sahəsi yanıb

5 İyul 2014 09:18

0 Şərh Baxış: 697

VTB-də minimal faiz dərəcəsi ilə nağd kredit 9.9%-dən

#HADİSƏ #YANĞIN

Quba rayonunda yanğın baş verib.

APA TV-nin verdiyi məlumata görə, yanğın rayonun Qaraçay kəndi ərazisində qeydə alınıb.

Kənd sakininə məxsus fabrikin ərazisində sahəsi 250 kvadratmetr olan 3 tikilinin dam örtüyü, fabrikin ərazisində 6 hektar biçilmiş taxıl sahəsi və bələdiyəyə məxsus ərazidə 4 hektar biçilmiş taxıl sahəsi yanıb.

Yanğının söndürülməsi üçün Quba ilə yanaşı, Xaçmaz və Şabran rayonlarının Dövlət Yanğından Mühafizə Hissələrinin yanğınsöndürən maşınları və canlı qüvvəsi cəlb olunub.

Fabrikin digər 3 binası və ərazidə olan 8 yaşayış evi yanğından mühafizə olunub. 6 saat davam edən yanğın söndürülüb.

Milli.Az